Akkumulyator sektorunda istehsal və satış fəaliyyətini həyata keçirən ‘’İnci GS Yuasa’’,  İnci Holding və GS Yuasa-nın törəmə şirkətidir. Manisadakı üç fabriki və 800 işçisi ilə Türkiyənin ən böyük akkumulyator istehsalçısıdır. Bütün proseslərində mükəmməllik prinsipini mənimsəyən ‘’İnci GS Yuasa’’, istehlakçı yönümlü yanaşması və inkişaf etdirdiyi yeni texnologiyalarla 6 qitənin 80-dən çox ölkəsində məhsul və xidmətlərini istehlakçılara çatdırır. ‘’İnci GS Yuasa’’ Türkiyədə 80 əsas diler, 200 enerji mütəxəssisi, 300 səlahiyyətli xidmət mərkəzi və 3500 pərakəndə satış nöqtəsi ilə fəaliyyət göstərir. Beynəlxalq marka qiymətləndirmə təşkilatı ‘’Brand Finance’’ tərəfindən hazırlanan “Türkiyənin Ən Dəyərli Markaları 2020” siyahısında İnci Akü ən dəyərli akkumulyator markası seçilmişdir.